Премиерот Димитар Ковачевски попладнево информира дека до Владата од француското претседателство пристигнал предлог со идеи кои се однесуваат на нашите jaвно изнесени позиции и ставови во однос на спорот со Република Бугарија.
-Овој предлог, при чие изготвување се земени предвид нашите позиции и барања, ќе биде ставен на широк консултативен процес. Консултации во следните денови ќе се прават во Владата, со политичките партии, со Претседателот на државата, Парламентот, како и со граѓанскиот сектор, експертската и севкупна јавност во земјата. По овие консултации ќе се донесе одлука во однос на предлогот, објави Ковачевски.
Премиерот е дециден дека како што е ветено и наспроти шпекулациите на опозицијата, одлуката за нашата иднина ќе се донесе заеднички согласно стратешките интереси на земјата и на сите граѓани.
-Упатувам благодарност до Претседателот Макрон и Француското претседателство, за нивните напори да се надминат пречките и да се зачува европскиот кредибилитет на Балканот, порача Ковачевски.
Можеби ќе ве интересира:
