сабота, 3 декември, 2022
Реклама

Почина велешанец, десетта жртва на коронавирусот во Велес

bolnica Bergamo 997x485

82-годишен велешанец почина на Инфективната клиника во Скопје, откако пред неколку дена неговиот тест за коронавирус бил позитивен. На скопската клиника е примен на 22 мај, откако претходно бил лечен на инфективното одделение на велешката болница. Тој е десеттата жртва од коронавирусот во Велес. Во исто време, во последните 24 часа, регистриран е еден новозаразен и еден оздравен велешанец.

Институтот за јавно здравје регистрира вкупно 52 нови случаи со коронавурус во целата земја и тоа 26 во Скопје, девет во Тетово, во Штип седум, во Куманово има шест случаи, во Струга два и по еден во Кочани и Велес. Освен починатиот велешанец, регистрирани се уште три смртни случаи – 73-годишен скопјанец, примен на клиниката на 21 мај и 76-годишна пациентка од Скопје, примена на 21 мај и пациентка од Тетово на 55 годишна возраст, примена на 27 мај.

Agria

Во изминатите 24 часа биле направени 661 тестирања. На Институтот за јавно здравје денеска се регистрирани 30 оздравени пациенти и 52 новозаболени од Ковид-19. Вкупната бројка на ковид дијагностицирани во нашата земја од почетокот на епидемијата изнесува 2.129, бројката на оздравени пациенти е 1.516, на починати е 126, а во моментов бројот на активни случаи во земјата изнесува 487.