Kонститутивната седница е закажана за утре во 12 часот

Иако уште вчера беше најавено дека денеска на собраниска седница Талат Џафери повторно ќе биде избран за претседател откако е формирано мнозинство од 62 пратеници, седница нема и никој не одговара зошто. По неофицијалните информации дека проблемот е во ДУИ, од СДСМ велат дека нема проблем кај коалицискиот партнер, но не одговараат зошто нема седница.

Се очекува да биде реизран собранискиот претседател Талат Џафери, а и покрај најавите тоа не се случи денеска, наводно поради партиски консултации кои се уште траат.

Инаку, скопските ограноци на ДУИ во Сарај и Чаир се револтирани од листата на новите владини функционери. Според информации на Телевизија 24, синоќешниот состанок на највисокото партиско тело на ДУИ го бојкотирале и новоизбраните пратеници, Изет Меџити и Арбен Зибери, по барање на нивните членови.

Тие се противат на именувањето на Артан Груби и Бујар Османи без консултација на скопските ограноци на ДУИ. Според ифнормции na телевизија 24, реакции имало и од другите ограноци како тој во Струга и токму заради тоа се одложило и именувањето на министерот за информатичко општество.

Коалицијата предводена од СДСМ, заедно со ДУИ и ДПА има вкупно 62 пратеници, а претседателот на парламентот се избира со 61 пратеник.

Можеби ќе ве интересира: