„Благој Ѓорев“ ја објави откупната цена на сончоглед од договорното производство

Пред стартот на годишнешниот откуп на сончоглед од договорното производство, фабриката „Благој Ѓорев“ од Велес откупната цена ќе биде 19 денари плус ДДВ за килограм сончоглед, објави специлизираниот портал за аграр Агротим.

Оваа цена е повисока во споредба со минатата година кога сончогледот се откупуваше по 17,30 денари за килограм.

„Сакаме да придонесеме во зголемување на површините под сончоглед и поради тоа ја зголемивме цената. Се надеваме дека со оваа цена земјоделците ќе бидат задоволни и ќе бидат мотивирани и следната година да насеат повеќе“, изјави за Агротим, директорот Горанчо Лазов.

Според информации од теренот годинава се очекуваат повисоки приноси од сончоглед поради поволните временски услови.

Извор: agrotim.mk

Можеби ќе ве интересира: