Европските држави ги обновуваат ограничувачките мерки за да спречат понатамошно ширење на коронавирусот, сè уште се спротивставуваат на целосниот прекин на социјалните активности, но затвораат училишта, откажуваат неитни медицински процедури и вработуваат студенти по медицина.
Француската влада вчера донесе извршна наредба за воведување на итна здравствена состојба што стапува на сила на полноќ во сабота, 17 октомври, на целата територија на државата заради влошената состојба на епидемијата ковида-19.
Од овој викенд се воведува полициски час од 21 до 6 часот по средноевропско време во неколку поголеми градови во земјата каде што епидемијата брзо се шири, како што се Париз и околината, Марсеј, Лион, Монпелје, Лил и Тулуз.
Ова значи дека рестораните, баровите, театрите и кината ќе се затворат во 21 часот.
Чешка, европска земја со најголем број заразени лица по глава на жител, ги премести часовите на интернет и планира да испрати илјадници студенти по медицина на терен. Болниците откажуваат процедури кои не се итни за да се ослободат од креветите.
Полска ја забрза обуката за медицинските сестри и размислува да отвори полски воени болници.
Во исто време, во Москва наставата се одржува преку интернет, а Северна Ирска ги затвора училиштата на две недели.
Политичарите во Германија размислуваат дали да ги продолжат училишните одмори околу Божиќ и Нова година за да ја спречат заразата, иако критичарите велат дека нема докази дека училиштата се жаришта на вирусот.
Холандија ги затвори кафулиња и рестораните, но ги остави училиштата отворени.
Дневниот број на новозаразени во Европа е во просек 100 илјади, што е третина од вкупниот глобален раст на бројот на нови случаи во светот.
Можеби ќе ве интересира:
