Состојбата со коронавирусот во Велес не е стабилна но полека се стабилизира, оцени Општинскиот кризен штаб, кој утрово одржа состанок. Оттаму очекуваат во следните денови да има варијации во бројот на заразени пред се поради престојните празници.
Градоначалникот Аце Коцевски упати апел до граѓаните, строго да се придржуваат до препораките, да носат заштитни маски, да одржуваат хигиена, да одржуваат меѓусебно растојание и да не се групираат, особено не пред големиот верски празник Свети Никола и новогодишните и божиќни празници.
На инфективното одделение на велешката болница во моментов се лекуваат 53 пациенти, осуммина се лекуваат на приватни клиники, досега се починати 80 велешани.
Во Велес во моментов има 678 активни случаи со коронавирус, а денеска се регистрирани 22 оздравени пациенти и нови 11 позитивни случаи на ковид-19.
Можеби ќе ве интересира:
