BATALI.net Батали работа, ко да ти е сабота 
Кај момче на 27-годишна возраст ноќеска во 3 часот и 33 започна да чука срце од починат донор. Момчето го доби срцето од девојка која загинала во сообраќајна несреќа, а нејзиното семејство дало зелено светло за согласност за донирање на нејзините органи.
„Во 3 часот и 33 минути утринава кај 27-годишно момче зачука ново, донирано срце! Ова е втора извршена трансплантација на срце во историјата на државата, на Клиниката за кардиохирургија. Честитки до сите колеги и благодарност до целиот тим кој во текот на целата вечер неуморно работеше! Ова е огромен успех на македонското здравство, кој немаше да биде возможен без согласноста за донирање органи од семејството на младата пациентка која прерано го загуби животот. Горд сум на моите колеги!“, напиша Министерот за здравство Венко Филипче.
Инаку за потсетување, ова е втора трансплантација на срце откако во мај минатата година беше извршена првата успешна трансплантација на срце од донор. Срцето на починатата Емилија Динева продолжи да чука во 53 годишниот Иван Огненовски, кој долго време чекаше донор.
Тогашната трансплантацијата беше извршена од тим на тројца кардиохирурзи под водство на Сашко Јовев од државната кардиохирургија, Жан Митрев од „Жан Митрев Клиника”, и Александар Николиќ од болницата „Аџибадем Систина”.
Можеби ќе ве интересира: