Владата во соседна Грција го претстави нацрт-планот за олеснување на ограничувањата наметнати од пандемијата на на Ковид-19 очекувајќи туристите да пристигнат во средината на мај.
Угостителските објекти на плажите може да се отворат веќе денеска, а училиштата ќе бидат отворени во понеделник, кината на отворено на 21 мај, а театрите на отворено на 28 мај истиот месец, објавуваат агенциите а за прв пат по шест месеци минатиот понеделник се отворени и рестораните.
Шефот на грчката цивилна заштита, Никос Чардалијас, рече дека прават претпазливи, но неопходни потези за отворање на земјата.Тој ги повика Грците да продолжат да ги почитуваат мерките на претпазливост.
Ублажувањето на мерките е придружено со дополнителни регулативи – учениците во училиштата ќе мора да покажат негативен тест в понеделник и в четврток, што ќе им го дава бесплатно државата.
Полицискиот час во Грција, кој трае од 23 до 5 часот наутро, останува и понатаму на сила.
Можеби ќе ве интересира:
