Младите во Грција кои ќе се вакцинираат против коронавирус наскоро нема да добијат само заштита против ковид-19 туку и платежна картичка во вредност од 150 евра, со цел државата да привлече што е можно повеќе луѓе на вакцинација.
Картичката ќе ги покрие трошоците за патувања и забава, како што се билети за авиони и траекти, резервации за хотели, музика, театар и кино, музеи и археолошки места.
За овој проект се издвоени околу 141 милиони евра. Владата се надева дека 60 проценти од вкупно 11 милиони жители на Грција ќе бидат вакцинирани до крајот на јули.
Грчкиот премиер Кирјакос Мицотакис забележа дека, освен што ќе добијат пари, луѓето мора да бидат свесни за ризикот што го претставува вирусот.
„Можеби помладите луѓе мислат дека нема да се заразат со коронавирусот или, ако го добијат, мислат дека нема да им биде многу лошо“, рече тој. „Но, тие тогаш се носители на вирусот и помагаат во неговото ширење“, рече тој.
Досега само 33 проценти од 11 милиони жители се целосно вакцинирани и поради тоа стравот од делта-сојот расте.
Грција релативно добро го помина првиот бран на пандемијата, но мораше да прогласи карантин во ноември поради големиот пораст на бројот на инфекции.
Со падот на бројот на заразени, минатата недела беше укинато задолжителното носење маски на отворено. Од вчера, целосно вакцинираните Грци можат да одат на работа или во фитнес-сала без да се тестираат.
Можеби ќе ве интересира:
