Скопјанец на возраст од 63 години е приведен за издржување затворска казна од 12 години. Според информациите на полицијата, тој бил во бегство 17 години.
Вчера попладне полициски службеници од отсекот за потраги при Единицата за внатрешни работи Кисела Вода и при Единицата за внатрешни работи Чаир, во содејство со Единицата за интервентна полиција Скопје на Љуботенски Пат, атар на с. Радишани, го лишиле од слобода во непосредна близина на клучката кај Радишани.
За дилерот била распишана централна потерница за издржување казна затвор од 12 години за неовластено производство и пуштање во промет наркотични дроги, психотропни супстанции и прекурсори, казниво по чл. 215 од Кривичниот законик.
Тој е предаден во полициска станица за понатамошна постапка по што ќе биде спроведен во казнено-поправна установа за издржување.
Можеби ќе ве интересира: