Борец ремизираше со Младост Нови Сад на подготовките во Златибор

Фудбалерите на Борец 1919 финалната фаза од подготовките пред стартот на новата сезона во Првата македонска фудбалска лига ја реализираат во српскиот туристички центар Златибор.

Тие вчера одиграа пријателски натпревар со Младост Нови Сад, тим кој се натпреварува во првата фудбалска српска лига, а натпреварот заврши со резултат 2:2. Според извештаите од натпреварот, велешани биле подобар противник од српскиот тим на централниот терен на Златибор, но дозволиле погодок на Младост во 90. минута за конечни 2-2. Стрелци на головите за Борец биле Ѓорѓи Ѓорѓиев од пенал и Кристијан Ефтимов.

Пред заминувањето за Србија, Борец одигра и два пријателски натпревари во Македонија. И на двата доживеа порази, од Брегалница (0-2) и од Ренова (1-4).

Можеби ќе ве интересира: