Лазар Стојанов се врати во РК Борец

Левиот бек Лазар Стојанов по една одиграна сезона во тимот на суперлигашот Тиквеш од Кавадарци се враќа во РК Борец. Тој е е четвртото засилување за велешкиот ракометен клуб Борец.

Инаку Стојанов со само 16 години во сезоната2018/19 беше втор најдобар стрелец во плеј аут на машката Супер ракометна лига, кога Борец се натпреваруваше во најелитното друштво.

Со доаѓањето на Стојанов велешани формираат убиствена бековска линија која ќе ги полни мрежите на противниците. Претходно беа обезбедени потписите на средниот бек Борис Ристовски и левиот бек Димче Минов, а исто така ја зголемија и конкуренцијата на голот со доаѓањето на Никола Манев.

Од клубот најавуваат уште неколку засилувања, кои ќе бидат презентирани во наредниот период, со цел создавање конкурентен тим кој ќе се бори за висок пласман во прволигашката конкуренција.

Можеби ќе ве интересира: