BATALI.net Батали работа, ко да ти е сабота 
Околу 55 проценти од ковид-вакцините што досега се употребени во Македонија потекнуваат од Кина, од производителите „Синовак“ и „Синофарм“. Овој податок произлегува од податоците што БИРН ги доби од Министерството за здравство. Заклучно со 21 август годинава, искористени биле нешто повеќе од 382.000 дози од вакцината на „Синовак“ и речиси 300.000 од онаа на „Синофарм“.
По поединечен производител најмногу аплицирани дози има од вакцината на „Фајзер“, нешто преку 400.000. Во пунктовите за имунизација низ државата дадени се и речиси 108.000 дози „АстраЗенека“, а најмалку е користена руската „Спутник В“, употребени се само нешто повеќе од 45.000 вакцини.
Содржината продолжува под огласот
Процесот на имунизација се засили откако властите забранија влез на невакцинирани лица во кафулиња, ресторани, молови и на културни и спортски настани. Во двете недели откако се воведени рестрикциите, бројот на аплицирани вакцини порасна за 20 проценти, односно од 15 август до вчера дадени биле речиси 200.000 дози, и сега бројката на вкупно употребени вакцини е приближно 1.236.000.
Содржината продолжува под огласот
Заклучно со вчера, бројката на вакцинирани со две дози надминува 531.000 граѓани, меѓутоа во овој збир не влегуваат луѓето што се вакцинираа во соседните земји. Проценките што кружеа во јавноста се дека во Србија, каде што најмногу одеа нашите граѓани, се вакцинирале неколку десетици илјади македонски државјани.
Целото истражување на БИРН можете да го прочитате тука.
Можеби ќе ве интересира: