Основното јавно обвинителство Тетово врши увид во модуларната ковид – болница во Тетово каде вечерва избувна пожар во кој има жртви чиј број се утврдува.
Во увидот се вклучени тројца јавни обвинители од Основното јавно обвинителство Тетово, на кои им се придружија уште двајца јавни обвинители од скопското јавно обвинителство.
„Тимот од петмина обвинители, заедно со екипи од надлежните институции, ги преземаат сите дејствија во насока на утврдување на причините за настанатиот пожар.“, соопштија од Јавното обвинителство.
Според досегашните информации, во пожарот загинаа најмалку десет лица.
Владата изразува најдлабоко сочувтво до семејствата и блиските на починатите и посакува брзо закрепнување на повредените.
За денеска во 10:00 часот наутро закажана е итна и вонредна седница на Владата на Северна Македонија посветена на решавање на трагедијата во Тетово.
Можеби ќе ве интересира:
