BATALI.net Батали работа, ко да ти е сабота 
Македонската женска репрезентација до 19 години со триумф против Кипар од 4:2 го заврши квалификацискиот турнир во Белорусија за пласман во А квалификациската група за ЕП.
Нашата млада женска селекција со две победи (Фарски Острови и Кипар) и пораз (Белорусија) заврши на второто место во групата.
Содржината продолжува под рекламата
Во составот на репрезентацијата се наоѓаат и две фудбалерки на Борец, Јовановска и Перчинковска. Само Александра Јовановска доби шанса да заигра на овој натпревар.Таа ги одигра вторите 45 минути откако ја замени Едина Сулејмани. Сања Перчинковска го следеше натпреварот од клупата за резервни играчи.
Содржината продолжува под рекламата
Македонската селекција на денешниот натпревар имаше негатива од два гола. Кириакиди и Замани во 21 и 24. минута донесоа предност за Кипар, но потоа следуваше целосен пресврт во наша корист. Николовска во 35. минута намали на 1:2, а во второто полувреме Викторија Недева со два гола донесе водство на Македонија од 3:2. Велкова ги постави конечните 4:2 во последната минута од натпреварот. Белорусија заврши како првопласирана во нашата група со максимален учинок.
Можеби ќе ве интересира: