Матичните лекари денеска повторно на штрајк, ќе примаат само итни случаи

Две недели по предупредувачкиот прекин на работата, матичните лекари денес повторно го активираат штрајкот. Ќе прегледуваат само пациенти кои се итни случаи и нема да работат преку системот „Мој термин“.

Барањата на матичните лекари се покачување на капитациониот бод барем на 75 денари од ветените 95 за да можат да се справат со сите покачени трошоци, бараат укинување на казните за пропишување лекови по истечен извештај од специјалист и менување на правилниците за работа, а на листата додадоа и да не се бара акредитација на амбулантите оти веќе биле акредитирани од Државниот санитарен и здравствен инспекторат, од Министерство за здравство, од Лекарска комора и од Фондот за здравство и да не се врши никаква активност за Агенцијата за заштита на лични податоци од каде им побарале по 15.000 денари за да ги обучат како да ги чуваат здравствените картони.

Содржината продолжува под рекламата

Управниот одбор на Здружението разгледувал повеќе начини за штрајк. Имало предлози ординациите да ги затворат на пет дена, но овој пат, одлучиле да ја прекинат работата само на еден ден, како и пред две недели, а за следите чекори дополнително ќе одлучуваат.

Можеби ќе ве интересира: