Нема хоспитализирани пациенти поради ковид-19 во велешката болница. Ова е прв пат од почетокот на пандемијата, кога кон крајот на март 2020 година во велешката болница беа хоспитализирани првите ковид пациенти.
Од болницата соопштија дека во моментов на инфективното одделение се хоспитализирани пет пациенти, но со друга инфективна подлога. На интерното одделение има девет пациенти, но ниту еден од нив не е сомнителен на ковид.
Содржината продолжува под рекламата
„Позитивни на ковид-19 нема, ниту пак има непотврдени случаи. На инфективното одделение има 45 слободни кревети“, рече др. Елена Лефкова Ќулумова, портпарол на Опшпта болница Велес.
Содржината продолжува под рекламата
Во моментов во Велес има 26 активни случаи со ковид-19. Од почетокот на пандемијата со коронавирус се заразија 9691 велешани, од кои 9348 оздравеа, а 317 ја загубија битката со вирусот.
Можеби ќе ве интересира:
