Крај на една брилијантна кариера, Роџер Федерер стави крај на активното играње тенис

Еден од најдобрите тенисери на сите времиња, Роџер Федерер, потврди дека се повлекува од тенисот!

Освојувачот на 20 Грен слем титули потврди дека Лејвер купот ќе биде последниот турнир на кој ќе игра професионално и дека после тоа нема да игра тенис на највисоко ниво, на Грен слем и АТП турнири.

Федерер им се заблагодари на сите, од семејството, сопругата Мирка, преку родителите, членовите на неговиот тим, но посебно место во благодарницата зазедоа неговите противници.

„Многу сум среќен што одиграв многу епски натпревари, кои никогаш нема да ги заборавам. Се боревме фер, со страст и голем интензитет и секогаш се трудев да ја почитувам историјата на играта. Јас сум исклучително благодарен за вас. Се мотивиравме и го подигнавме тенисот на повисоко ниво“, напиша Федерер.

„Веќе имам 41 година и тенисот ми даде многу повеќе од тоа што сонував, но факт е дека моето тело повеќе не може да ги издржи напорите и затоа принуден сум да му кажам збогум на тенисот, барем што се однесува на официјалните АТП-турнири. Мојот настап на Лејвер-купот идната недела ќе ми биде последен“, објави Федерер.

Со заминувањето на Федерер во пензија завршува не само една славна ера на Швајцарецот, туку завршува и ерата во која тој заедно со Рафаел Надал, кој има 22 гренслем-трофеи и Новак Ѓоковиќ кој има 21 трофеј на најголемите турнири одбележаа еден период кој веројатно никогаш нема да се повтори.

Можеби ќе ве интересира: