Тројца велешани позитивни на тестот за коронавирус се регистрирани во последните 24 часа, објави Центарот за јавно здравје (ЦЈЗ) Велес.
„Се работи за едно лице вработено во инфективното одделение при општата болница во Велес и две лица кои самоиницијативно се тестирале во клиниката “Жан Митрев”, после појавата на симптоми на Ковид-19“, велат од ЦЈЗ Велес.
Со ова, вкупната бројка на дијагностицирани пациенти со Ковид-19 во Велес изнесува 62 лица од кои четворица се излечени, 55 пациенти активни случаи, а тројца починаа како последица на коронавирусот.
