Велешанката Даниела Стојановска Пановска нова пратеничка во Собранието

Велешанката Даниела Стојановска Пановска е нова пратеничка во македонското Собрание. Стојановска Пановска, чиј мандат денеска беше верификуван, доаѓа од СДСМ. Таа е седмиот пратеник од Велес и велешко во актуелниот состав на Парламентот.

Текстот продолжува под рекламата

Стојановска – Пановска доаѓа на местото на пратеникот Зеќир Рамчиловиќ, кој е именуван за амбасадор во Црна Гора.

Текстот продолжува под рекламата

Пред Собраниската Комисија за деловнички и мандатно-имунитетни прашања да го и верификуваат мандатот на новата пратеничка, тоа го направи и Државната изборна комисија.

Даниела Стојановска Пановска е професорка по хемија во средно училиште. Таа е трет пратеник на СДСМ од велешкиот регион, заедно со Ненад Коциќ и Мухамед Кадиров од Горно Јаболчиште.

Сега во Собранието има вкупно седум пратеници од Велес. Покрај Стојановска Пановска, Коциќ и Кадиров, тука се и Игор Здравковски и Игор Јанушев од ВМРО ДПМНЕ, Димитар Апасиев од Левица и Љупчо Пренџов од ГРОМ.

Можеби ќе ве интересира: