BATALI.net Батали работа, ко да ти е сабота 
Продолжија возбудувањата во Првата ракометна лига. Ракометарите на Бисинов Фруит Ленд загубија минимално на домашен терен од екипата на Македонија Ѓорче Петров со резултат 28:27.
Содржината продолжува под рекламата
Гостите од Скопје го имаа водството уште од стартот на натпреварот, а на полувреме заминаа со предност од три погодоци. Сепак велешани преку Ристовски и Иванов не дозволува гостите да се одлепат. На три минути пред крајот Бисинов Фруит Ленд израмни на 26:26, а имаа бод во раце на 20 секунди пред крајот. Сепак неискуството си го стори своето па гостите од пенал ги однесоа бодовите од Велес.
Содржината продолжува под рекламата
Најефикасни во домашниот состав беа Ристовски со 10 и Иванов со осум постигнати погодоци, додека кај гостите Мартин Димовски со девет и Кристијан Стојановски со пет погодоци.
По 13 одиграни кола во Првата ракометна лига екипата на Бисинов Фруит Ленд се наоѓа на деветата последна позиција со освоени седум бода. Следниот натпревар ќе го одиграат со Мулти Есенс кој е лидер на табелата без ниту еден пораз.
Можеби ќе ве интересира: