Десетици илјади Израелци излегоа на улиците, блокирајќи голем автопат и палејќи пожари, откако израелскиот премиер Бенјамин Нетанјаху го разреши министерот за одбрана на земјата, кој се спротивстави на планот за реконструкција на судството.
Јоав Галант го повика Нетанјаху да го запре предлогот – што ќе и даде на владината коалиција последниот збор за сите судски назначувања.
Тој, исто така, се стреми да донесе закони кои ќе му дадат на парламентот овластување да ги поништи одлуките на Врховниот суд со основно мнозинство и да ја ограничи судската ревизија на законите.
Демонстрации се одржаа во Бершеба, Хаифа и Ерусалим, каде илјадници луѓе се собраа пред приватната резиденција на израелскиот премиер.
Израелската полиција употреби водени топови за да ја растера толпата.
Денеска пак и израелскиот претседател Исак Херцог ја повика владата да ја запре контроверзната судска реформа, еден ден откако премиерот Бенјамин Нетанјаху го разреши својот министер за одбрана затоа што се спротивстави на потегот кој предизвика масовни улични протести.
Можеби ќе ве интересира:
