BATALI.net Батали работа, ко да ти е сабота 
Да се дочека „златна свадба“ не е мала работа во животот. Тоа е половина век заеднички брачен живот. И навистина вреди да се одбележи соодветно. За жал, состојбата во која се наоѓа светот и пандемијата со коронавирусот, не дозволува ваквите моменти да се прослават онака како што и му доликува на јубилејот. Но, не и за инвентивните луѓе.
Една од нив е познатата водителка Анита Даева, која на уникатен начин се сети на своите родители да им направи изненадувње и да им го честита несекојдневниот јубилеј на нејзините родители. Таа ангажирала музичари, кои на прагот на домот на нејзините мајка и татко во Велес им ја засвиреа нивната омилена „Зелене очи“, а досетливата ќерка со торта во облик на две срца, кошница со цвеќиња и шампањско, направи овој ден нејзините родители да го паметат додека се живи.
Изненадувањето Даева го сними на својот мобилен телефон, а снимката ја објави на фејсбук. На неа се гледаат и солзите радосници на нејзините родители, кои ги измами овој неочекуван чин на нивната ќерка. Еве како сето тоа изгледаше: