Евтина струја од 1 декември од 13 до 15 часот

Од 1 декември треба да се врати евтината тарифа на струјата која според најавите би била во периодот од 13 до 15 часот, но таа ќе биде достапна само за околу 200 илјади корисници кои имаат „паметни“ дигитални броила. За останатите домаќинства, Електродистрибуција очекува евтина струја да има до крајот на декември, но за тоа ќе биде неопходно да им се дозволи на читачите на броила да ја прочитаат фактичката состојба и рачно да ги подесат.

Броилата се читаат еднаш месечно и оние кои ќе бидат достапни веднаш ќе бидат прилагодени за евтината струја и преку ден, велат од ЕВН.

Во Арачиново, кое изминативе години беше еден од најголемите неплаќачи на струја, директорот на Електродистрибуција, Сашо Салтировски вели дека броилата се веќе извадени на улица, загубите се сведени на 10 проценти во јуни и јули, што се смета за техничка загуба и кај нив сетирањето за евтината денска тарифа ќе биде веднаш направено.

Скопскиот регион, пак, бележи најголеми загуби на струја од 20 отсто. Евтината струја преку ден беше укината од 1 јануари 2022 година, кога беа воведени блок-тарифитие.

Можеби ќе ве интересира: