Кошаркарите на Борец Баскет најавуваат дека средствата од продадените билети од неделниот натпревар против екипата на МЗТ Скопје УБ ќе бидат донирани во фондот за успешно лекување и рехабилитација на младиот Леонид Индов.
Содржината продолжува под рекламата
„КК Борец Баскет се вклучува во акцијата за собирање средства за успешно лекување и рехабилитација на младиот Леонид Индов. Сите средства од продадени влезници 
(100 ден.) од натпреварот против МЗТ Скопје УБ и дополнителните собрани донации ќе бидат уплатени на семејството на Лео. Ве очекуваме во ГОЛЕМ БРОЈ во НЕДЕЛА од 17:00 да покажеме дека Велес е хуман град, а воедно да стигнеме и до нова победа во Втора Лига! Броеви за донации 
ТМ : 143-118, А1 : 143-500“, порачуваат од Борец Баскет.
Содржината продолжува под рекламата
Натпреварот од 16 коло на Втората кошаркарска лига на Македонија, помеѓу Борец Баскет и МЗТ Скопје УБ ќе се одигра во недела во спортската сала „Гемиџии“ во Велес, со почеток од 17 часот.
Можеби ќе ве интересира:
