Крводарителска акција и во време на пандемија

Поради вонредната состојба во Државата има ниско ниво на залихи со крвни единици. Затоа Црвениот крст во соработка со Институтот за Трансфузиона медицина се одлучи во Велес да се одржи ВТОРА ВОНРЕДНА КРВОДАРИТЕЛСКА АКЦИЈА.

Акцијата ќе се одржи на 21.05.2020 година во просториите на ЛИКОВНИОТ САЛОН, со почеток од 09:00 до 14:00 часот

Ги повикуваме сите крводарители кои сакаат да учествуваат на истата да дојдат и да дадат голем придонес за здравјето на населението.

Со цел да се придржуваме на мерките за безбедност на јавното здравје сите кои сакаат да донираат најдобро е да се јават на тел.бр. 076/368-066 за да добијат термин кога да дојдат на крводарување со што би се избегнало чекање и контакти со останати граѓани.

На крводарителската акција ќе се применуваат сите стандарди и процедури за безбедност согласно состојбата во која се наоѓаме.

Акцијата се одржува со помош на Општина Велес и Народниот музеј.