Превентивни активности на СВР Велес во рамки на кампањата „Лето без пожари“

Денеска (02.06.2024) од страна на полициски службеници од Отсекот за превенција при СВР Велес спроведена е превентивно-едукативна активност во рамки на кампањата под мотото „Лето без пожари“ на подрачјето на град Велес, односно на излетничко – туристички локалитет „Езеро Младост“, „Бабуна“, населба Отовица.

Текстот продолжува под рекламата

Основна цел на кампањата е зголемување на безбедносната култура кај граѓаните, како и зајакнување на довербата и соработката помеѓу полицијата и граѓаните, но и укажување за потребата од навремено пријавување на било какви појави на несовесно однесување од страна на граѓани, со цел навремена и брза реакција на сите институции.

Текстот продолжува под рекламата

За време на активноста беше посочено на ризикот од зачестено палење на шумите при правење на скара, фрлање отпушоци, а беше упатен и апел за посебно внимание при престој на отворено за да се избегне опасноста од предизвикување на пожари од невнимание. Притоа, на жителите и посетителите на ова подрачје им беше поделен и едукативен материјал со едукативни препораки со цел подигање на безбедносната свест.

Можеби ќе ве интересира: