BATALI.net Батали работа, ко да ти е сабота 
Активистката Моника Ристеска (Конопова) на својот фејсбук профил објави вознемирувачки фотографии, на кои се гледа нејзиното крваво лице. Таа напиша дека вечерва ја претепал нејзиниот татко, кој бил во алкохолизирана состојба и, според неа, се обидел да ја убие.
Блиски пријатели на Моника со кои Батали.нет контактираше, велат дека кога вечерва ја слушнале по телефон, девојката била многу исплашена и вознемирена. Велат дека таа во моментов се наоѓа во болница, каде што и се санираат повредите.
Моника Ристеска во јавноста е позната и како “девојката со џоинтот”. Таа е гласен поборник за легализација на марихуана, а за видео кое го објави на социјалните мрежи на кое јавно пушеше марихуана, беше осудена на затворска казна. Моника Ристеска е дипломиран новинар и магистер по филмска продукција.