Кадетите на Фруитленд Борец победнички го почна настапот во ракометната кадетска лига, откако на стартот од првенството го совладаа составот на Вардар 1961 со резултат 35:28.
Велешките ракометари фуриозно го започнаа натпреварот, и уште од стартот го преземаа водството кое не го испуштија до крај. Гостите од Скопје парираа резултатски до 10:8, кога полека домашниот состав резултатски се одлепуваше. На полувреме се замина со предност од 18:14, а во вториот дел предноста само се зголемуваше.
Стефан Стојанов ја наполни мрежата на Вардар 1961 со десет постигнати погодоци, а осум погодоци постигна Лука Станковски. Кај гостите најефикасен беше Васко Ангелески со шест постигнати погодоци. Во наредното коло Фруитленд Борец гостува во Штип кај екипата на Текстилец.
