Ракометниот клуб Фруитленд Борец пред своите фанови ќе го пречека двократниот европски шампион, екипата на Вардар 1961 од Скопје, кој по 12 одиграни натпревари е на делба на првото место на табелата.
Велешани нема што да изгубат во дуелот со Вардар 1961 и ќе се потрудат да прикажат квалитетен ракомет пред велешката публика.
Овој натпревар од 13 коло во Супер лигата е закажан за сабота, 30 ноември, во спортската сала „Гемиџии“ со почеток во 18:00 часот, а влезот ќе чини 50 денари. Натпреварот ќе го суди судиската двојка, Виктор Начевски од Скопје и Даниело Божиноски од Битола.
