Ракометарите на Фруитленд Борец со пораз ги завршија натпреварите во ракометната Супер лига за оваа календарска година. На гостувањето во Куманово тие беа поразени со резултат 32:25.
Велешани одлично го отворија натпреварот и го диктираа резултатот до средината на првиот дел до резултат 7:7. Потоа следуваше пад во играта кој го искористија домашните ракометари и на полувреме се замина со резултат 16:11 за Куманово.
Во второто полувреме Фруитленд Борец дојде до 22:20, но тоа беше се што успеаја да напрват. Одново пад во играта кој домашниот тим знаеше да го искористи и дојде до четвртиот триумф во сезоната а втор против Фруитленд Борец. Црна дамка на овој натпревар беше повредата на Тоше Ончев, кој беше изнесен на раце од теренот, но од клубот изјавија дека не се работи за посериозна повреда.
Натпреварите од Супер лигата продолжуваат на почетокот на февруари следната година, по завршување на Светското првенство во ракомет. Во првото, односно 17 пролетно коло во Велес ќе гостува екипата на Охрид.
