Денеска времето во земјава ќе биде наутро студено, а преку денот претежно облачно со слаб до умерен ветер од северен правец, информираат од Управата за хидрометеоролошки работи (УХМР). Во планинските региони повремено ќе провејува слаб снег.
Утринската температура ќе се движи во интервал од минус девет до нула Целзиусови степени, а максималната дневна ќе достигне од минус три до пет степени.
Во Велес, исто така, ќе биде променливо облачно и студено, со услови за повремен слаб снег. Утринската температура ќе се спушти до минус пет, а дневната ќе достигне до четири Целзиусови степени.
