Српскиот премиер Милош Вучевиќ денеска ќе поднесе оставка, дознава Нова.рс.
Претходно беше најавено дека Вучевиќ денеска ќе се обрати пред присутните во 11 часот.
Ова е вонредна конференција, а причината за обраќањето од српската Влада не е соопштена.
Инаку на неполн ден откако премиерот Милош Вучевиќ, српскиот претседател Александар Вучиќ и претседателката на парламентот Ана Брнабиќ се обратија до јавноста и повикаа на смирување на тензиите, нападнати беа студенти во Нови Сад.
Во текот на ноќта се случиле два напади во кои полесно се повредени неколку ученици, додека едно девојче се здобило со тешки повреди на вилицата.
Првиот напад се случил кога момче и девојка од Медицинскиот факултет во Нови Сад залепиле налепница на корпа за отпадоци пред просториите на СНС, по што четворица мажи излегле од просториите на СНС со безбол палки и почнале да ја дават студент. Студентите на Медицинскиот факултет успеале да се ослободат и да истрчаат, но напаѓачите продолжиле да ги бркаат со автомобили.
Вториот напад се случил набргу потоа кога, според учениците кои биле нападнати, истите двајца мажи заедно со уште двајца и безбол палки нападнале друга група ученици во близина на основното училиште „Петефи Шандор“. Во таа прилика, една ученичка била тешко повредена, удирана со клоци и удирање со палки. Останатите ученици кои биле нападнати успеале да побегнат со полесни повреди.
