Младите фудбалерки на Борец со пресврт во вториот дел го совладаа составот на Победа од Вландово со 4:1 и дојдоа до првиот триумф во Втората женска фудбалска лига.
Гостинките од Вландово први дојдо во водство преку Софија Чилевска во 12 минута. Во вториот дел Ема Неделкова и Сања Перчинковска постигнаа по два погодока за голема радост на велешанки.
По 8 одиграни кола во Втората женска фудбалска лига, Борец се наоѓа на седмо место со 4 освоени бода. Во наредното коло велешанки гостуваат кај Вардар од Скопје.
