Флорент Османи беше херој за Борец 1919 на денешниот натпревар против Саса, кој велешани го добија со резултат 2:1. За Борец 1919 ова е втор триумф оваа сезона во Втората фудбалска лига. Борец е во добар цилус во пролетниот дел, под водство на новиот шеф на стручниот штаб Горан Симов, откако во воведните 4 кола има една победа, две ремија и само еден пораз. Сепак, опстанокот е се уште далеку, бидејќи Борец е на минус 10 бодови од првото безбедно место кое гарантира останување во лигата, а на минус три бодови од Осогово, кое се наоѓа на позиција која води во бараж.
Први во водство дојдоа гостите во 8 минута преку Мартин Димоски, пред крајот на првиот дел Флорент Османи со својот прв погодок го израмни резултатот на 1:1: Во вториот дел подобра игра на велешани која беше крунисана со вториот гол на Османи во 63 минута. До крајот на натпреварот и гостите имаа свои шанси да го израмнат резултатот, но голманот Давид Димитриевски неколку пати правовремено интервенираше.
По 19 одиграни кола Борец 1919 сеуште е на 15 место кое води во третата лига, но овој пата бодовното салдо се зголеми и сега има 10 бода. Во наредното коло во сабота Борец 1919 гостува во Богданци кај фенерџијата на табелата, Вардарски.
