Фудбалерките на Борец го забележаа вториот триумф оваа сезона. На Градскиот стадион „Зоран Паунов“ во Велес, велешките девојки беа подобри од екипата на Плачковица со резултат 4:0.
Мери Трајковска стрелаше два пати во гостинската мрежа, додека Ива Тодосова и Весна Милојевиќ постигнаа по еден погодок.
По 12 одиграни кола фудбалерките на Борец се наоѓаат на седмата позиција во Втората женска фудбалска лига. До крајот на првенството остануваат уште две кола, а во наредното коло во Велес ќе гостува екипата на Порече.
