Во СВР Велес вчера во 17:50 часот било пријавено исчезнување на 32-годишна жена од Велес. Според информациите од полицијата, пријавата ја поднела нејзината мајка, К.Д. (51), која информирала дека нејзината ќерка Ѓ.Д. се оддалечила од нивниот дом.
Како што навела мајката, Ѓ.Д. имала здравствени проблеми, што дополнително ја зголемува загриженоста за нејзината безбедност и здравствена состојба.
Од СВР Велес информираат дека се преземаат мерки за нејзино пронаоѓање и случајот активно се работи.
