Малолетник од велешко со мотоцикл удрил во полицаец, па се забил полициска „шкода“

Малолетник од велешко направил инцидент возејќи мотоцикл.

Како што информираа од полицијата, половина час по полноќ во СВР Велес, извршен е службен разговор со малолетник од село Горно Оризари, велешко, во присуство на родител и социјален работник од Центар за социјални работи Велес.

 

Имено, во село Горно Оризари, додека управувал мотоцикл без регистарски ознаки, не запрел на даден знак од полициски службеници кои извршувале службени задачи и удрил во еден од нив, а потоа и во паркирано патничко возило „шкода“, сопственост на Министерството за внатрешни работи, по што се дал во бегство, соопштија од МВР.

 

По преземени мерки, малолетникот е пронајден, известен е јавен обвинител, а мотоциклот е одземен.

По документирање на настанот, против малолетникот ќе биде поднесен соодветен поднесок.