Водата во езеро Младост и натаму останува забранета за капење и рекреација, покажуваат најновите резултати од анализата на мостри земени на 17 јули 2025 година. Според официјалниот извештај, водата на трите контролни локации – Отовичка плажа, кај бродот Панини и плажа Бела вода – не ги исполнува стандардите за безбедност на вода за капење.
Надлежните институции апелираат до граѓаните да се воздржат од користење на езерото за капење и рекреативни активности сè додека не се подобри квалитетот на водата и не се укине забраната.
Се очекува во наредниот период да се преземат дополнителни мерки за подобрување на состојбата и редовно следење на квалитетот на водата.
