Новиот ракометен клуб од Велес, „Гемиџии“, го започнува своето учество во Пионерската ракометна лига – Група Б. Првиот натпревар клубот ќе го одигра оваа недела, на гости во Куманово, против истоимената екипа.
Натпреварот ќе се одигра во недела, со почеток од 16:00 часот, а судии на дуелот ќе бидат Бобан Стојановски и Сашо Сотировски.
Клубот „Гемиџии“, кој неодамна беше формиран, има за цел да развива млади ракометни таленти од Велес и веќе привлекува внимание со својата енергија и посветеност. Овој натпревар ќе биде прва официјална проверка за младите ракометари на клубот, кои ќе се обидат да се претстават во најдобро светло на отворањето на сезоната.
