Младите ракометари на Гемиџии го впишаа својот прв триумф во Пионерската ракометна лига, совладувајќи ја екипата на Шампион со убедливи 36:9 (17:3). Велешките надежи доминираа од првиот до последниот минут, прикажувајќи дисциплинирана и ефикасна игра во двата правци.
Посебно вредно за спомен е тоа што сите ракометари на Гемиџии добија шанса за настап, а секој од нив успеа да се запише меѓу стрелците, што говори за колективниот дух и широкиот ростер на екипата.
Со оваа победа, младите „гемиџии“ сега имаат три бода на своето конто и со оптимизам го очекуваат следниот натпревар, кој ќе го одиграат против пионерската екипа на Алкалоид.
