Поранешниот министер Борис Стојменов денеска обвини дека Општина Центар му бара еден милон евра мито за да продолжи да гради. Ова тој го изјави за ТВ 21 по инцидентот што се случил денеска на градилиштето на ТЦЦ „Плаза“. Инспектори заедно со полицијата интервенирале на градилиштето за да ја стопираат градбата на објектот.
Тој обвинува дека има документи за градби, но и дека му бараат еден милион евра мито за да може да продолжи да гради.
„Четири години со платени комуналии, платено се, не може да градиме затоа што бараат милион евра мито. Не им давам мито“ порача Стојменов.
Саша Богдановиќ градоначалникот на Центар, на својот фејсбук профил информираше дека инвеститорот не поседува одобрение за градење.
Можеби ќе ве интересира: