Обвинителството влезе во ДИК, ја истражува набавката на софтверот за изборните резултати

Денеска Обвинителството за организиран криминал и корупција, влезе во Државната изборна комисија со цел да ја одземе документацијата околу компјутерската фирма која ја изработи апликацијата за следење на резултатите на изборите.

„Поднесовме барање до судија на претходна постапка да даде наредба за претрес поради сомневања за јавната набавка. Ќе ја провериме законитоста на јавната набавка“, изјави Вилма Русковска за Сител.

Постапката за софтверот е отворена по допрен глас, откако по падот на сајтот се откри дека тендерот за софтверот еднаш бил поништен за потоа преку постапка со преговарање без објавување на оглас, надградбата на софтверот да ја добие компанијата „Дуна“.

Поради хакерски напад кој траеше неколку дена, Државна изборна комисија не беше во можност да ги соопштува изборните резултати од предвремените парламентарни избори.

Можеби ќе ве интересира: