Рекордни 262 929 новозаболени од ковид 19 во светот

Светска здравствена организација (СЗО) синоќа соопшти дека во изминатите 24 часа потврдени се рекордни 262 929 случаеви на коронавирус.

Бројот на смртни случаи се зголеми за 5 851 со што вкупно 680 894 луѓе починале од последици од Ковид 19, а бројот на заразени лица се искачи на 17 660 523.

Најголем број на инфицирани лица – 9 476 763 регистрирани се во Јужна и во Северна Америка. За еден ден бројот на заразени лица се зголемил за 156 433, а бројот на починати порасна за 3 963, со што вкупниот број на смртни случаи се искачи на 359.180.

Во Европа потврдени се 3 375 535 случаи на Ковид-19 и 213 284 смртни случаи. Во изминатите 24 часа бројот на новозаболени се зголеми за 17 419 лица, а бројот на смртни случаи за 323.

Во Југоисточна Азија за еден ден потврдени се 58 971 случаи и 937 лица починале од последици од коронавирус. Вкупниот број на заразени лица во тој регион се искачи на 2 131 165 , а од почетокот на пандемијата починале 45 837 луѓе.

По бројот на заразени лица на прво место се САД со 4 523 888 потврдени случаи, следат Бразил со 2 662 485 случаи и Индија со 1 750 723 заразени луѓе.

Меѓу првите десет земји во светот по бројот на заразени лица се и Чиле со 357.658 случаи, Иран со 306.752 заболени и Велика Британија со 303.956 заразени со новиот коронавирус.

Можеби ќе ве интересира: