Еден од адвокатите на првоосомничениот Љупчо Палевски Палчо се откажа од негово бранење. Од самиот почеток на судењето Палевски беше застапуван од кумановскиот адвокат Марјан Витановски.
Судијата Ивица Стефановски ја прочита одлуката на адвокатот Маријан Витановски од Куманово. „Маријан Витановски го откажа полномошното за бранење на првоосомничениот Љупчо Палевски“, вели судијата.
Денешното рочиште за убиствата на Вања Ѓорчевска и Панче Жежовски продолжи со испитување на обвинетиот Велибор Манев. Според најавеното, по сослушувањето на Манев, треба да сведочи Боре Видевски, Влатко Кешишев, Александар Ѓорчевски и на крај Палевски.
