Баерн Минхен го суспендира Мане

Садио Мане е исклучен од составот на Баерн Минхен за престојниот натпревар во Бундеслигата викендов против Хофенхајм на домашен терен, информираше официјално германскиот шампион.

Содржината продолжува под рекламата

„Садио Мане нема да биде вклучен во тимот на Баерн за овој саботен натпревар на домашен терен против Хофенхајм. Ова се должи на неговото недолично однесување по натпреварот на Баерн од Лигата на шампионите против Манчестер Сити. На Мане ќе му биде изречена и парична казна“ – информира раководството на Баерн Минхен.

Содржината продолжува под рекламата

Мане, како што е познато, ги шокираше сите во клубот откако беше обелоденето дека по поразот од Манчестер Сити тој физички го нападнал соиграчот Лирој Сане.

Мане го удрил Сане и само реакцијата на соиграчите спречила уште посериозен инцидент, но оваа глупост скапо ќе го чини Сенегалецот. Информациите од Германија говорат дека сите фудбалери на Баерн се свртеле против Мане, оценувајќи го неговото однесување како недозволиво. Тухел ќе има полни раце работа да ја среди атмосферата во тимот кој се бори за титулата во Бундеслигата. Голема е веројатноста дека Мане, и доколку во иднина се врати во комбинација за настап, наредните натпревари ќе биде „закован“ за клупата за резерви.

Управата нема да застане тука, на Сенегалецот ќе му следи и сериозна финансиска казна, а германските медиуми најавуваат дека сериозно се разгледува и можноста тој да добие „црвен картон“ и да си замине од Баерн на крајот од сезонава. Искусниот голгетер не ги оправда очекувањата како играч, а сега кога негативно влијае и врз атмосферата во екипата баварците сакаат да го продадат и да вратат голем дел од вложените пари (35 милиони евра).

Можеби ќе ве интересира: