![](https://batali.net/wp-content/uploads/saz1410.jpg)
Љупчо Димитковски – Гањо е нов предводник на Фудбалскиот клуб Борец. Тој доаѓа на местото на Александар Пановски, кој поради приватни обврски го напушти местото прв тренер, но сепак останува во клубот.
Содржината продолжува под рекламата
„Чест, задоволство и голема обврска е да се биде шеф на стручниот штаб и да се води еден клуб со голема традиција и реноме како Борец. Благодарност до управата за укажаната доверба и поддршка која ја добив. Очекувањата се освојување на првото место во Третата фудбалска лига – Југ, и напоредно формирање на екипа која ќе се бори во баражот за влез во Втората фудбалска лига. Велес како град заслужува да има стабилен второлигаш, а во догледно време и прволигаш“ изјави денес на официјалното претставување, новиот стратег на Борец, Љупчо Димитковски – Гањо.
Содржината продолжува под рекламата
Во минатото Димитковски го предводеше некогашниот прволигаш Хоризонт од Турново, кој тогаш избори „виза“ за Европа, ги водеше и Тиквеш, радовишка Плачковица, Еуромилк, Кожуф од Гевгелија, Каменица Саса, а последен работен ангажман му беше во Вардар Неготино.
![Ljupco Dimitkovski Ganjo](https://batali.net/wp-content/uploads/saz1414.jpg)
Димитковски како играч своевремено играше за Тиквеш, Вардар, Македонија Ѓорче Петров, Шкендија и Победа.
![Trofei Borec](https://batali.net/wp-content/uploads/saz1415.jpg)
Борец имаше солидна полусезона, и ќе презими на втората позиција со 23 бода, два помалку од лидерот Големо Коњари. Од клубот најувавуваат нови засилувања во пресрет на пролетниот дел.
Можеби ќе ве интересира: