Велешани ја оправдаа улогата на фаворит во дуелот со најслабиот тим во Втората кошаркарска лига на Македонија, Работнички 2018 и го совладаа со 35 коша разлика, 85:50.
Уште по првата четвртина, која Борец Баскет ја доби со резултат 26:11, се знаеше победникот на овој натпревар. Скопјани беа рамноправен противник само во втората и четвртата четвртина. Резултатот овозможи тренерот Васко Бојчев да им даде шанса на младите кошаркари, кои целосно ја искористија.
По ова 17 коло, Борец Баскет се искачи на петата позиција на табелата со скор од 10 победи и седум порази. Во следното коло, велешани ќе гостуваат во Скопје, кај екипата на Бутел која е седмопласирана на табелата со скор од 8 победи и 9 порази.
