На гости во Скопје, повторно ќе оди екипата на Борец Баскет. Велешани ќе играат против екипата на Водно Санс, во меч кој е закажан за 2 март, недела, а ќе се игра во СЦ „Борис Трајковски“, со почеток од 17.часот.
Претходно, Комесарот за натпреварување на КФСМ, натпреварот помеѓу екипите на КК Борец Баскет – КК МЗТ Уни Банка кој се одиграл на ден 22.02.2025 го регистрира со службен резултат 0-20 во корист на екипата на КК МЗТ Уни Банка, а екипата на КК Борец Баскет нема да добие бод предвиден за пораз.
По 15 одиграни кола, Борец Баскет се наоѓа на петтата позиција со скор од 9 победи и 6 порази. Водно Санс пак со победата на Мега Баскет, минатото коло е на делба на осмата позиција со скор од 5 победи и 10 порази.
