Еден од фрагментите на авионот што се урна во регионот Твер, во кој леташе Евгениј Пригожин, се наоѓа на влезот во селото Куженкино, кое е на околу два километри од местото на несреќата, јавува руската државна новинска агенција РИА Новости.
Полицијата го опколи местото каде што се наоѓаат остатоците, а во близина имало и неколку автомобили на тајната служба, јави синоќа дописникот на РИА Новости. Полицијата ги запира автомобилите и ги испрашува возачите.
Руското Министерство за вонредни ситуации синоќа извести за пад на приватен авион во близина на селото Куженкино во Тверската област. Во авионот имало десет лица, меѓу кои и тројца членови на екипажот. Сите загинаа.
Според списокот на патници што го објави руската Федерална агенција за воздушен транспорт, во авионот се наоѓал и шефот на Вагнер групацијата, Евгениј Пригожин. Урнатиот авион и припаѓал на компанијата МНТ-Аеро ДОО, која е специјализирана за деловен транспорт.
Портпаролот на итната служба за РИА Новости изјави дека на местото на несреќата се пронајдени телата на осум лица.
Sharing more exclusive videos and stills from locals in Kuzhenkino, where Prigozhin's airplane crashed. Interestingly, they also haven't witnessed any missile launch from the ground. pic.twitter.com/qQOeZC96rd
— Горянов. (@gorianov) August 23, 2023
Можеби ќе ве интересира:
